Wie is ons?

AfriForum Jeug is ’n niepolitieke burgerregteorganisasie wat:

op Christelike waardes geskoei is;

regstellende aksie teenstaan;

jongmense se leierskapsvaardighede, kennis en vaardighede ontwikkel;

’n gesonde studentelewe nastreef; en

Afrikaans en moedertaalonderrig bevorder;

gehalte-onderrig bevorder;

jongmense se veiligheid wil verseker en verskerp;

jongmense in dorpe mobiliseer om ’n verskil in hul gemeenskappe te maak.

Missie & Visie

AfriForum Jeug is amptelik in Maart 2008 in die lewe geroep. Sedertdien is AfriForum Jeug as ’n geloofwaardige jeugorganisasie gevestig wat sigself vir die belange van jong Afrikaners beywer. Van hier kan ons net verbeter en verder bou.

AfriForum Jeug is die amptelike jeugafdeling van AfriForum, die burgerregte-inisiatief wat deel van die Solidariteit Beweging vorm. AfriForum Jeug berus op Christelike beginsels en ons doel is om selfstandigheid onder jong Afrikaners te bevorder en die realiteite in Suid-Afrika te beïnvloed deur veldtogte aan te pak en aktief vir jongmense se burgerregte standpunt in te neem. AfriForum Jeug se wese behels onder meer die verkryging van kulturele vryheid en die uitbou van die Christelike demokratiese ideeraamwerk.

Missie:

Om selfstandigheid onder jong Afrikaners te bevorder en die werklikhede in Suid-Afrika te beïnvloed deur veldtogte te voer en aktief vir jongmense se burgerregte standpunt in te neem.

 

Visie:

Om ’n bymekaarkomplek te wees vir jong Afrikaners op kampusse en in dorpe waar AfriForum-strukture gevestig is en as spreekbuis op te tree in gevalle waar daar teen jongmense gediskrimineer, hulle van hul moedertaalonderrig ontneem en hul grondwetlike regte geskend word; om te streef vir die uitbou van Afrikaans en Afrikanertradisies, en opleiding aan jongmense te bied om hulself te bemagtig om standpunt te kan inneem oor kwessies wat hul toekoms beïnvloed.

 

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!