UP verbied Afrikaanse groepe by taalbeleid-lekgotla; EFF vandaliseer kampus

Written by AfriForum Jeug

On 27/05/2016

Die Universiteit van Pretoria (UP) het verskeie Afrikaanse groepe toegang verbied tot die taalbeleid-lekgotla (bosberaad) wat op 28 Mei 2016 plaasvind.

Verskeie organisasies wou vir dié beraad registreer om ook hulle insette aangaande die taalbeleid te lewer. Te midde hiervan is die UP gister gevandaliseer toe slagspreuke soos “F*ck Afrikaans”, “Afrikaans Must Fall” en “#AMF” op kampusmure gespuitverf is.

“Afrikaanse studente wil graag aan die lekgotla deelneem, maar die enigste wyse waarop die EFF wil deelneem, is deur haatspraak en geweld. Die Universiteit skroom nie om Afrikaanse studente uit te sluit nie, maar doen niks om kwaaddoeners aan te spreek nie,” het Marthinus Jacobs, AfriForum Tuks-voorsitter, gesê. “In Februarie is AfriForum Tuks uit vergaderings gegooi net omdat ons insette oor die taalbeleid wou lewer.”

AfriForum Tuks het klagtes teen die EFF se vandalistiese en afbrekende kultuur op kampus by die UP se departement van studentesake ingedien en geëis dat daar teen die oortreders opgetree moet word.

AfriForum Jeug is van mening dat enige proses wat studente verhoed om hul insette te lewer, ongeldig is. “Hierdie uitsluiting toon weer eens dat die UP nie belangstel om na studente-insette te luister nie, maar eerder gehoor sal gee aan ’n ekstremistiese minderheid soos die EFF,” het Morné Mostert, AfriForum se nasionale projekkoördineerder, gesê.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!