Puk-wenner van AfriForum Jeug-studiebeurs aangekondig

Written by AfriForum Jeug

On 01/08/2016

AfriForum Jeug het gister op die Noordwes-Universiteit (NWU) se Potchefstroomkampus aangekondig dat Alexa Kellner dié universiteit se wenner van die jeugorganisasie se R20 000-studiebeurs is. Die sanggroep Saarkie het by dié geleentheid opgetree en vir hope vermaak gesorg.

Die organisasie het onlangs die eerste twee beurswenners by die universiteite van Stellenbosch en die Vrystaat aangekondig en sal binnekort ook die laaste wenner by die Universiteit van Pretoria bekend maak.

Dit spruit uit die jeugorganisasie se aankondiging vroeër vanjaar dat vier Afrikaanssprekende studente, een by elk van dié universiteite, dié studiebeurs kan wen.

Die beurs-en-studiefonds is gestig ten bate van Afrikaans, en studente wat in dié taal wil studeer. Dit vorm ook deel van AfriForum Jeug se Afrikaans sal bly-veldtog.

Volgens Ohann Fourie, kampuskoördineerder by die NWU-Pukke, sal skenkers en alumni wat bydraes tot die fonds wil lewer nie net ’n verskil in Afrikaanssprekende studente se lewens maak nie, maar ook ’n verskil in die bevordering en ontwikkeling van Afrikaans teweegbring.

Fourie sê voorts dat die fonds onafhanklik deur Helpende Hand bestuur word en onder geen politieke druk die knie sal buig nie.

“Ons is trots op ons taal en sal opstaan vir studente se reg om in hul moedertaal te studeer,” sê Chané de Ru, voorsitter van die AfriForum Jeug-tak by die NWU-Pukke.

Alumni of skenkers wat tot AfriForum Jeug se studiefonds wil bydra, kan ’n e-pos aan Evalna Pieterse stuur by evalna@afriforum.co.za of die woord “Beurs” na 32687 SMS (R1).

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!