AfriForum Jeug staan voorgestelde naamsverandering van Cravenweek teen

Written by AfriForum Jeug

On 17/07/2019

AfriForum Jeug het vandag ’n skrywe aan die Suid-Afrikaanse Rugbyunie (Saru) gerig waarin hul die liggaam versoek om nie gehoor te gee aan die voorgestelde naamsverandering van die Cravenweek-rugbytoernooi nie. Hiermee saam het die jeugorganisasie ’n vergadering met Mark Alexander, president van SA Rugby, versoek. Dié versoek volg nadat ’n groep oudrugbyspelers Saru versoek het om die Cravenweek se naam te verander.

“Dit is ironies dat die spelers deel vorm van die ou nierassige Saru, maar nie ’n woord teen die hedendaagse kwotastelsel in rugby uitspreek nie. Die groep is ongelukkig omdat ras hul destyds van sekere geleenthede ontneem het, maar verwys geensins na die hedendaagse diskriminasie nie. Hul optrede skreeu dubbele standaarde,” sê Henk Maree, hoof van AfriForum Jeug.

Dit is belangrik om sekere feite uit te lig aangaande Danie Craven:

  • Craven het in die laat 1980’s na Harare gereis om ’n vergadering met die leiers van die ANC te hou. Die doel van dié vergadering was om ’n enkele rugbyvereniging op die been te bring. Dit was die eerste stap in die vorming van ’n verenigde rugbyliggaam, naamlik die Suid-Afrikaanse Rugbyvoetbalunie (Sarvu).
  • Craven het ’n groot rol gespeel in die bekendstelling van die eerste nierassige toernooi in Suid-Afrikaanse sport. Dit staan bekend as die Cravenweek-rugbytoernooi wat in 1964 van stapel gestuur is en spelers van alle rasse betrek.

“Dit is dus duidelik dat Danie Craven geensins ’n voorstander van apartheid of rasgebaseerde sport was nie, maar wel ’n voorstander van rugby en die ontwikkeling van die spel. Erken en eer Dok Craven vir sy bydrae tot rugby. Moenie teen hom diskrimineer weens die tyd waarbinne hy geleef het nie,” sluit Maree af.

Gee AfriForum Jeug die mandaat om hierdie naamsverandering namens jou teen te staan: SMS “Cravenweek” na 32687 (R1).

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!