AfriForum Jeug staan logoverandering van UP teen

Written by AfriForum Jeug

On 01/09/2019

AfriForum Jeug het vandag ’n skrywe aan die Universiteit van Pretoria (UP) gestuur oor die beoogde verandering van die UP se logo. Dít volg nadat die UP-bestuur ’n e-pos uitgestuur het waarin hulle verduidelik dat hulle beoog om die universiteitswapen te verander.

Alhoewel hulle studente, personeel en alumni kans gee om daaraan deel te neem, is dit nog ’n stap van die bestuur om die universiteit te transformeer en alle erfenis en trots uit die weg te ruim.

“AfriForum Jeug het ’n dringende skrywe aan prof. Themba Mosia, onderhoof van studentesake, koshuissake en akkommodasie, gerig waarin ons vra dat die proses van moontlike verandering aan ons verduidelik word. Ons eis ook dat die tydperk waaraan studente, personeel en alumni aan die proses kan deelneem, verleng word sodat alle belanghebbendes genoeg tyd het om hulle stem te laat hoor,” sê Chantelle du Preez, AfriForum Jeug se nasionale koördineerder vir tersiêre instellings.

Die UP het vandag ’n dokument oor die beoogde verandering uitgestuur met 6 September 2019 as sluitingsdatum. Die vrae in die dokument is nie neutraal nie en daarom sal hulle die resultaat kry wat hulle nodig het om die logo te kan verander.

 

“Hierdie stap wat deur die universiteitsbestuur geneem is om moontlik die wapen te verander, is nog ’n geleentheid waar geld aan onnodige veranderings bestee word – net soos toe hulle besluit het om die koshuisname te verander. Daar is studente wat finansieel nie die vermoë het om hul rekeninge te betaal nie. Nou wil die universiteit daardie geld aan die verandering van die universiteitswapen bestee in plaas daarvan om hul studente te help,” sê Du Preez.

AfriForum Jeug sal in samewerking met huidige studente en alumni die nodige proses volg om hierdie logoverandering teen te staan.

“Ons sal ook ’n petisie saamstel om ander belanghebbendes se opinies in ag te neem en sal die uitslae aan die universiteitsbestuur bekend maak.”

AfriForum Jeug moedig alle belanghebbendes aan om betrokke te raak om hierdie verandering teen te staan.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!