AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant.

AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea), terwyl die skaars boom die appelblaar (Philenoptera violacea) is. AfriForum moedig egter sy lede aan om inheemse bome te plant wat in hul omgewings aard. Die jeug in Bloemfontein het daarom besluit om olienhoute (Olea europaea, subs. africana), riviervaderlandswilge (Combretum erythrophyllum)  en verskeie vetplante te plant.

Boomplantmaand bied die perfekte geleentheid om ’n blywende verskil in ons gemeenskappe te maak. Bome het egter deurlopende sorg nodig om tot voordeel van almal te floreer.

“Die jeug is die toekoms van ons land. Ons het ’n verantwoordelikheid teenoor ons omgewing en moet onderneem om aan ons toekoms te bou,” sê Petri van der Walt, voorsitter van AfriForum Jeug se Bloemfontein- en Kovsies-tak.

Raak vandag nog by dié takke se jeugstrukture betrokke en help om ’n verskil te maak: SMS die woord “Bloemfontein” of “Kovsies” (vir studente) na 32687 (R1 per SMS).

Jy sal ook dalk hiervan hou…

Uitspraak voorbehou in AfriForum Jeug se saak teen NSFAS

Uitspraak voorbehou in AfriForum Jeug se saak teen NSFAS

AfriForum Jeug se saak teen die Nasionale Skema vir Finansiële Bystand vir Studente (NSFAS) is gister (14 April 2021) in die Wes-Kaapse Hooggeregshof in Kaapstad aangehoor. NSFAS het in 2020 sowat 5 000 studente se befondsing summier gekanselleer, en 132 van hierdie...

AfriForum Jeug veroordeel Braamfontein-geweld

AfriForum Jeug veroordeel Braamfontein-geweld

AfriForum Jeug is van mening dat pres. Cyril Ramaphosa verantwoordelikheid vir die onlangse geweld by universiteitskampusse moet aanvaar en die Nasionale Skema vir Finansiële Bystand vir Studente (NSFAS) verantwoordbaar moet hou vir die kontrakte wat hulle met...

AfriForum Jeug se Kempton Park-tak maak skoon

AfriForum Jeug se Kempton Park-tak maak skoon

Die AfriForum Jeug-tak in Kempton Park het op 27 Februarie 2021 by die Elgin-brug rommel opgetel, bossies uitgetrek en die omgewing netjies gemaak. Dié tak het besluit om die brug skoon te maak aangesien baie motoriste daagliks onderdeur die brug werk toe en terug ry...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!