AfriForum en Solidariteit bestudeer uitspraak teen verlof tot appèl in UP-taalbeleidsaak

Written by AfriForum Jeug

On 10/05/2017

AfriForum, AfriForum Jeug en Solidariteit is teleurgesteld oor die weiering van verlof aan hulle om appèl teen ’n hoë-hofbeslissing van Desember 2016 aan te teken. Die laasgenoemde beslissing is gelewer ten gunste van die Universiteit van Pretoria (UP) se besluit om slegs Engels as primêre onderrigtaal aan die universiteit te gebruik.

 

Die organisasies bly van mening dat die universiteit se nuwe taalbeleid op ’n growwe skending van Afrikaanse studente se grondwetlik erkende taalregte neerkom en indruis teen gesonde opvoedkundige beginsels, soos toegang tot moedertaalonderrig.

 

Die regspan van AfriForum, AfriForum Jeug en Solidariteit sal die uitspraak oor die weiering van verlof tot appèl bestudeer en aan die hand daarvan oor verdere optrede in dié saak besluit.

 

Omdat die beskerming en handhawing van studente se reg tot Afrikaanse onderrig vir AfriForum en Solidariteit ’n prioriteit bly, duur gesprekke met internasionale forums en kenners voort met die oog daarop om die stryd vir die beskerming van dié reg ook in die internasionale arena aan te pak. Tegelykertyd word alternatiewe Afrikaanse studiegeleenthede ook in die privaat sektor ontwikkel.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!