VSR-kandidaat van Tuks verteenwoordig jeug by VN

Written by AfriForum Jeug

On 26/07/2016

AfriForum Jeug gaan die kwessie oor die kwotastelsel internasionaliseer wanneer Henrico Barnard, AfriForum Jeug Tuks se VSR-presidentskandidaat, in Augustus na die Verenigde Nasies gaan om die jeug dáár te verteenwoordig.

Die besoek fokus op bewusmaking en nie noodwendig om simpatie in te win of ondersteuning te vra nie. Daar gaan debatte oor rasgebaseerde uitsluiting gevoer word, asook oor die invloed wat dit op Suid-Afrikaners het. Suid-Afrikaners word al meer aan kwotastelsels blootgestel – met die jeug wat die swaarste daardeur getref word.

Die Universiteit van Pretoria het onlangs ’n beleid aanvaar wat bepaal dat 60% van alle aanvaarde studente op kampus swart moet wees. Dit is ’n ondeurdagte, drastiese beleid wat sonder twyfel tot uitsluiting sal lei. Universiteite voer deurlopend die argument dat hulle na ’n inklusiewe kultuur op kampus streef. Die tipe beleidbesluite wat geneem word, toon egter dat dit duidelik nié die geval is nie en dat daar eerder blatant op grond van ras gediskrimineer word.

Die Sunday Tribune het onlangs berig dat voornemende Indiese studente aan die Universiteit van KwaZulu-Natal wat in ’n mediese rigting wil studeer beamptes betaal om hulle as bruin mense te klassifiseer. Die rede hiervoor is die universiteit se rasgebaseerde kwotas wat deur die mediese skool toegepas word. Dit is kommerwekkend dat meriete geïgnoreer word en keuring eerder op ras gebaseer word.

Kommunikasie met universiteitsbestuur het ’n punt bereik waar enige kommentaar ten opsigte van kwotas – of die meer algemene eufemisme “transformasie” – op dowe ore val.

Studente is dus genoop om self aan oplossings te dink.

AfriForum Jeug is van mening dat rasgebaseerde regulering van geleenthede op universiteitskampusse elke student se grondwetlike reg vertrap.

Elke mens verdien ’n regverdige plek in die son.

 

-Deur Henrico Barnard

Jy sal ook dalk hiervan hou…

’n Republiek is gebore

Deur Ilze Nieuwoudt Die droom van ’n republiek het op 31 Mei 1961 ’n (harde) realiteit geword. Tog het hierdie ideaal reeds meer as honderd jaar vantevore diep deur die are van Europese setlaars aan die suidpunt van Afrika gebruis. Vorige probeerslae is opgebou en...

Rebelspoorvasbyt 2019

Deur Cecilia Barnard Die laaste drie dae ná my terugkeer uit die Kalahari was ’n kaleidoskopiese dwaal. My sintuie is oorweldig deur die oorvloed mense, geluide, kleure en stemme ná ’n week van eenvoud en stilte. Daarom dat ek vanaand die eerste keer die moed kon...

Nou wie op aarde was President MT Steyn?

             ‘n  Beknopte biografie vir die Millenniale Suid-Afrikaner Daar is tans spanning oor die Anton van Wouw beeld van President Marthinus Theunis (MT) Steyn op die Universiteit van die Vrystaat se Bloemfontein Kampus....

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!