Universiteit van Stellenbosch veroordeel studente wat erfenis herdenk ten koste van EFF

Written by AfriForum Jeug

On 03/03/2016

Die Universiteit van Stellenbosch het hom vandag uitgespreek teen studente wat deur AfriForum Jeug genooi is om 12:00 by die J.H. Marais-standbeeld op kampus vir ’n vreedsame herdenkingsaksie bymekaar te kom. Die universiteit meen dat dié studente ’n risiko vir geweld inhou omdat die EFF vandag by die universiteit betoog.

Volgens Marcus Pawson, AfriForum Jeug se woordvoerder, moet ’n mens na die geskiedenis kyk om te verstaan waarom geweld deur partye soos die EFF in ’n ernstige lig beskou moet word. “Dit begin dalk met standbeelde, boeke en kuns, maar dit volg met mense.”

“Hoe kan studente wat vreedsaam kuier en herdenk, geweld veroorsaak? Dis waar dat die EFF gedreig het om die standbeeld af te brand, maar ons is vandag hier om in vrede die erfenis van ons kampus te vier,” het Pawson verduidelik.

Pawson meen dat die universiteit se bestuur besig is om groepe op kampus te polariseer deur eensydig op te tree. ’n Voorbeeld hiervan is toe die bestuur vantevore toegekyk het hoe die EFF en Open Stellenbosch dieselfde standbeeld beskadig het sonder om teen hulle op te tree.

“Die universiteit het onderneem dat daar genoeg sekuriteit en polisie op kampus teenwoordig sal wees om kultuurskatte soos die standbeeld te beskerm. Ons sal daarom met ons herdenkingsaksie voortgaan en die situasie monitor.”

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!