TrauMATIESE besluit deur US geneem

Written by AfriForum Jeug

On 23/06/2016

AfriForum Jeug het vandag ʼn leë doodskis aan die raad van die Universiteit Stellenbosch (US) oorhandig en daarna ʼn fakkel aangesteek as simboliese gebaar om te wys dat hoewel die bestuur probeer om Afrikaans aan dié universiteit uit te wis, dit steeds sal voortleef in die harte van die studente. Dít volg nadat die raad vanmiddag besluit het om in 2017 ʼn taalbeleid te aanvaar waarvolgens Engels die enigste primêre onderrigtaal van die universiteit sal wees.

Volgens Bernard Pieters, AfriForum Jeug se Maties-kampuskoördineerder, is e-posse van studente wat die besluit teenstaan, deur die raad geblokkeer en bestaan funksionele studenteraadstrukture nie meer aan die US nie.

“Die feit dat die visekanselier en voorsitter van die US-raad die opposisie verwyder het, die visekanselier ook die pos van die rektor beklee, daar al vir drie jaar nie ʼn studentedekaan aan die universiteit is nie en e-posse van bekommerde studente gesensor word, toon dat daar geen deursigtigheid in die besluite van die US-raad is nie,” sê Pieters.

“Met Afrikaans wat nou in die spervuur beland het, is dit nie meer lank voor alle inheemse tale in die doodskis lê nie,” sê Netanje van Niekerk, ʼn derdejaarstudent aan die US.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!