UP-studente se regte geskend; AfriForum Jeug gryp in

Written by AfriForum Jeug

On 26/09/2016

AfriForum Jeug Tuks gaan oor die volgende paar dae selfverdedigingsopleiding- en inligtingsessies vir studente van die Universiteit van Pretoria (UP) aanbied. Tydens dié sessies sal studente ingelig word oor hulle regte wanneer betogings op kampus plaasvind, terwyl hulle ook sal leer hoe om hulself in gevaarsituasies te beskerm.

Volgens Jaco Grobbelaar, AfriForum Jeug se koördineerder vir die Tuks-kampus, kan studente wat belangstel om hierdie sessies by te woon of meer inligting hieroor verlang, hulle naam en van na 072 142 8668 per WhatsApp stuur, waarna addisionele inligting dan via WhatsApp-groepe bekend gemaak sal word.

Morné Mostert, AfriForum Jeug se nasionale projekkoördineerder, sê dat die inisiatief deur die jeugorganisasie begin is omdat die veiligheid van studente op dié kampus en ook op ander universiteitskampusse bedreig word, ongeag die feit dat prof. Cheryl de la Rey, rektor van die UP, AfriForum Jeug verseker het dat studente se regte beskerm sal word.

“Dit is duidelik dat die UP-bestuur nie daarin slaag om te verseker dat betalende studente ongestoord met akademiese aktiwiteite kan voortgaan nie. Dié bestuur laat toe dat ʼn groep van ongeveer 30 oproeriges hul voorskryf, in só ʼn mate dat die kampus tans gesluit is en eers teen 10 Oktober weer sal heropen,” sluit Mostert af.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!