Matie-plakkaat onvanpas

Written by AfriForum Jeug

On 11/05/2017

AfriForum Jeug veroordeel die uitbeeldings van Nazi-plakkate wat op 9 Mei 2017 op Universiteit Stellenbosch (US) se Stellenbosch-kampus aangebring is ten sterkste.

Die grafika op die plakkate is gebaseer op ou Nazi-propaganda. Hoewel die teks self geen haatspraak bevat nie, is die agtergrond van die uitbeeldings onvanpas en herinner aan die miljoene mense wat hulle lewens tydens Nazi-bewind in Duitsland verloor het. Die uitbeelding het dus ʼn ondertoon van antisemitisme en rassisme.

“Omdat die motief nog onbekend is, kan daar net gespekuleer word oor wie vir die plakkate verantwoordelik is, maar die aanbring van enige ideologiese Nazi-nostalgie word sterk deur AfriForum Jeug veroordeel. Ons is van mening dat die aangeleentheid ondersoek moet word,” sê Bernard Pieters, AfriForum Jeug se koördineerder vir Maties en die Oos- en Wes-Kaap.

AfriForum Jeug veroordeel alle vorme van rassisme en diskriminasie, ongeag die ras of geslag wat hulself daaraan skuldig maak. Hoewel AfriForum Jeug die aanbring van die plakkate sterk veroordeel, veroordeel ons ook die oënskynlike dubbele standaarde wat steeds op ons universiteitskampusse en in die media heers en wat dringend aangespreek moet word.

Die feit dat die US en die media so vinnig hierop reageer, maar uitlatings soos “one settler, one bullet” destyds nie op soortgelyke wyse op kampus hanteer is nie, wys op dié dubbele standaarde wat gehandhaaf word. Ander uitlatings soos dié van “kill the farmer, kill the boer” geniet ook nie soortgelyke mediadekking nie.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!