Kommerwekkende uitslag van Potchefstroom naamsveranderingsreferendum – AfriForum Jeug loods veldtog teen stadsraad

Written by AfriForum Jeug

On 08/08/2008

ʼn Totaal van 97,4% van die Potchefstroom-inwoners wat deelgeneem het aan AfriForum Jeug se referendum oor die naamsverandering van Tomstraat na Steve Bikostraat het aangedui dat hulle nie ten gunste van die naamsverandering is nie.  In die lig hiervan het AfriForum se jeugkomitee aangekondig dat hy ʼn veldtog teen die Potchefstroomse stadsraad van stapel sal stuur en ʼn tak in dié dorp sal stig.  Die referendum is op Vrydag, 25 Julie 2008, in die betrokke straat in Potchefstroom gehou.

Volgens Tanya Kruger, woordvoerder van AfriForum Jeug in Potchefstroom, laat hierdie syfer ernstige vrae oor die regsgeldigheid van die naamsveranderings en die stadsraad se agenda ontstaan.  “Name kan nie net verander word ter wille van verandering nie, sekere prosesse moet gevolg word en die publiek moet in ag geneem word,” het Kruger gesê.  Sy het aangedui dat AfriForum Jeug die regsgeldigheid van die naamsveranderings sterk bevraagteken, aangesien die nodige prosesse nie gevolg is nie en die openbare mening geensins in ag geneem is nie.  AfriForum Jeug beplan om in die nabye toekoms ʼn Potchefstroomtak te stig sodat hierdie aangeleentheid verder gedryf kan word.  ʼn Omvattende veldtogstrategie is reeds saamgestel.

As deel van die veldtog beplan AfriForum Jeug om borde met die oorspronklike straatname te borg en aan instemmende inwoners te gee om op hulle privaateiendom te plant.  ʼn Protesaksie by die kantore van die stadsraad wat met die oorhandiging van ʼn memorandum van versoeke gepaard sal gaan, word beplan, asook die bekendstelling van ʼn omvattende verslag oor die naamsveranderings in dié dorp.  AfriForum Jeug beplan voorts om hieroor met bekende dorpsbewoners en kunstenaars in verbinding te tree en om studente by sy inisiatiewe te betrek.

ʼn Volledige verslag oor die referendum van 25 Julie 2008 is reeds opgestel en is beskikbaar by www.afriforumjeug.co.za.  Hierdie verslag bevat ʼn uiteensetting van die referendumuitslag en ʼn aksieplan vir die pad vorentoe.  Foto’s van die referendumaksie is op aanvraag is beskikbaar.

Studente wat by hierdie veldtog betrokke wil raak, kan deur AfriForum Jeug se webblad met die organisasie in verbinding tree.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!