Kleinsêr-meningspeiling: Kovsie-studente stem ja

Written by AfriForum Jeug

On 12/05/2016

AfriForum Jeug Kovsies het ʼn meningspeiling gedoen waarin bevind is dat 99% van studente wat aan dié peiling deelgeneem het, ten gunste daarvan gestem het dat die Universiteit van die Vrystaat (UV) se deelname aan die jaarlikse nasionale ATKV-sêrkompetisie moet voortgaan.

Altesaam 527 individue, wat ouers, studente, oudstudente en voornemende studente insluit, het aan die peiling deelgeneem, waarvan 420 Afrikaanse én Engelse ingeskrewe studente was.

ʼn Herrie het vroeër oor dié sêrkompetisie uitgebreek nadat die voorsitter van die studenteraad (SR), Lindokuhle Ntuli, in ʼn gespreksessie gesê het dat die SR besluit het om sy bande met die ATKV te verbreek.

“Die opname is gedoen om aan die universiteitsbestuur te wys hoe belangrik sêr vir studente is. AfriForum Jeug het dié inligting reeds in ʼn skrywe aan die universiteit bekend gemaak en vergader op Maandag, 16 Mei 2016 met die bestuur. Ons hoop dat die bestuur sal insien hoe belangrik hierdie tradisie vir Afrikaanse en Engelse studente is,” het Marike van As, woordvoerder van AfriForum Jeug Kovsies, gesê.

Die peiling en uitslag het soos volg gelyk:

Moet die Universiteit van die Vrystaat (UV) se Kleinsêr as deel van die ATKV se nasionale sêrkompetisie voortgaan? Het jy al ooit van die ATKV Kleinsêr uitgesluit gevoel? Moet Kovsies sêr herstruktureer en onder ʼn nuwe naam en regulasie laat funksioneer?
JA 99% 5% 9%
NEE 1% 95% 91%

Die jeugorganisasie moedig alle studente aan om aan die meningspeiling deel te neem.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!