Kgwadi moedig radikales aan om te veg

Written by AfriForum Jeug

On 14/10/2015

AfriForum Jeug neem met skok kennis van die uitlatings wat gemaak is deur prof. Dan Kgwadi, visekanselier van die Noordwes-Universiteit (NWU), tydens ʼn studentevergadering van die groep #ReformPIK. Kgwadi het studente van die groep toegespreek en gesê: “I’m encouraging you to fight.”

“AfriForum Jeug veroordeel hierdie uitlatings van prof. Kgwadi ten sterkste en wil hom herinner dat die NWU nie ʼn politieke speelveld is vir universiteitsbestuur met verskuilde agendas nie maar ʼn akademiese instansie en dat prof. Kgwadi as visekanselier onpartydig behoort te bly,” het Hans Gildenhuys, voorsitter van AfriForum Jeug se Pukke-tak, gesê.

Die groep, wat blykbaar geen affiliasie by enige politieke party het nie, het verskeie uitlatings gemaak oor die universiteit asook ander instansies. Volgens die groep word swart studente op kampus onderdruk en is AfriForum Jeug die rede dat Afrikaans op kampus bly. Afrikaners is volgens die groep die “root racists” op kampus en die PUK-kampus kan daarom met hel vergelyk word.

“AfriForum Jeug erken die reg op vryheid van spraak, maar die reg kom met ʼn verantwoordelikheid. Baie van die uitlatings wat gemaak is, neig in die rigting van haatspraak,” het Gildenhuys afgesluit.

Navrae aan die studenteraad van die NWU-PUK het dit laat blyk dat hulle nie toestemming verleen het aan hierdie groep om ʼn massavergadering te hou in die lokaal nie. Dit beteken dat die groep óf toestemming van prof. Kgwadi self gekry het, wat vrae laat ontstaan oor sy objektiwiteit; óf dat hulle voortgegaan het sonder die nodige toestemming, wat beteken dat daar dissiplinêr teen die organiseerder opgetree moet word.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!