Grootfontein Landboukollege: R10 miljoen vir herstelwerk ná druk deur AfriForum Jeug

Written by AfriForum Jeug

On 23/05/2017

Die druk wat AfriForum Jeug op die Grootfontein Landboukollege in Middelburg in die Oos-Kaap weens die swak verblyftoestande en algemene geriewe by dié kollege toegepas het, het die kollegebestuur nou genoop om sowat R10 miljoen vir herstelwerk en opgraderings opsy te sit.

Dit volg ná probleme wat ten spyte van verskeie versoeke aan die bestuur nie aangespreek is nie en AfriForum Jeug genoodsaak was om verdere stappe te neem om die erns daarvan te benadruk. ’n Klagte is ook by die Advertensiestandaarde-owerheid van Suid-Afrika (ASASA) gelê oor die wanvoorstelling op die kollege se webtuiste van sommige van die aktiwiteite en fasiliteite wat die kollege aanbied.

“AfriForum Jeug sal aktief betrokke bly om toe te sien dat die geld wat nou beskikbaar gestel is wel reg aangewend word,” sê Marike van As, AfriForum se koördineerder vir Kovsies en Grootfontein.

“Hoewel ons die vrystel van dié fondse verwelkom, is die studente steeds bereid om self in te spring, te herstel en skoon te maak met dít wat tot ons beskikking is. Ons wil ook van ons kant af ’n volhoubare bydrae lewer om ons kollege weer ’n plek te maak waarop ons kan trots wees,” sê Jan-Hendrik Goosen, voorsitter van AfriForum Jeug se Grootfontein-tak.

AfriForum is in die proses om dié jeugtak van hul eie randsnyer en ander algemene gereedskap te voorsien om studente in staat te stel om opknappingswerk te kan doen wanneer nodig.

Die publiek of enige belanghebber by dié kollege kan ’n bydrae maak deur die volgende bankbesonderhede vir donasies te gebruik:

Rekeningnaam:          AfriForum NPC
Rekeningnommer:      623 4989 8398
Taknaam:                    Centurion
Takkode:                     261550
Verwysing:                  GROOTFONTEIN

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!