AfriForum Jeug tevrede met NWU-raadsbesluit

Written by AfriForum Jeug

On 22/09/2017

Die raad van die Noordwes-Universiteit (NWU) het die besluit geneem om die universiteit se voorgestelde bemarkingsplan te heroorweeg. Dié bemarkingsplan het onder meer voorgestel dat die kenmerkende maroen van die NWU-Pukke na pers verander word, asook dat die woord “Pukke” uit alle bemarkingsmateriaal van die Potchefstroomkampus van die universiteit verwyder moet word.

“AfriForum Jeug het nie met hierdie voorgestelde wysigings saamgestem nie en daarom het ons ’n paar weke gelede die #PukBlyPuk-veldtog geloods. Die Puk, soos die Potchefstroomkampus van die universiteit bekendstaan, hoef nie sy identiteit in die samesmeltingsproses prys te gee nie. Die NWU-raad se heroorweging beteken dat die unieke Puk-identiteit vir tyd en wyl binne die groter Noordwes-Universiteit behoue sal bly,” sê Ohann Fourie, AfriForum Jeug se nasionale koördineerder vir kampusstrukture.

Die jeugorganisasie se Puk-tak gaan voort met hul petisie om te verseker dat toekomstige en huidige studente, asook ouers en alumni se stemme in hierdie tyd gehoor word. “Ons wil alle belanghebbendes oor hierdie verwikkelinge inlig ten einde te verseker dat besluite soos hierdie nie eensydig aan die kant van die NWU-raad geneem word nie,” sê Fourie verder.

Studente word aangemoedig om by AfriForum Jeug in te skakel om sodoende te verseker dat hul menings in ag geneem word. Die jeugorganisasie moedig elkeen wat ’n belang by die saak het aan om die petisie te onderteken.

Onderteken die petisie deur op die volgende skakel te klik: http://afriforumjeug.co.za/pukblypuk/.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!