AfriForum Jeug rig waarskuwing aan prof. Kgwadi

Written by AfriForum Jeug

On 22/10/2015

Prof. Dan Kgwadi, visekanselier van die Noordwes-Universiteit, is deur AfriForum Jeug gewaarsku dat indien hy nie alles in sy vermoë doen om studente se veiligheid te verseker nie, die burgerregte-organisasie die hof sal nader om hom te dwing om op te tree.

Tydens onlangse vergaderings van #ReformPUK was die radikale drukgroep se leiers baie aggressief en het selfs gedreig om die Totius-standbeeld te verwyder. AfriForum Jeug se bekommernis oor die veiligheid van studente het toegeneem nadat prof. Kgwadi klaarblyklik opdrag gegee het dat die hekke van die universiteitskampus nie gesluit mag word wanneer #ReformPUK betoog nie.

“Dit is uiters onverantwoordelik van prof. Kgwadi en dit wil voorkom asof hy nie die belange van alle studente op die hart dra nie,” het Hans Gildenhuys, voorsitter van AfriForum Jeug se Potchefstroom-tak, gesê.

AfriForum Jeug het verder versoek dat prof. Kgwadi die versekering moet gee dat eksamens geensins deur betogings ontwrig sal word nie. Indien eksamens wel ontwrig word, kan prof. Kgwadi ʼn dringende hofbevel van AfriForum Jeug verwag wat hom sal dwing om die betogings onmiddellik stop te sit.

“Prof. Kgwadi is die verantwoordelike persoon, en as hy nie sy pligte gaan nakom nie, gaan ons hom verplig om dit te doen,” het Gildenhuys afgesluit.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!