AfriForum Jeug neem Paasfeesgees na die Jakaranda Kinderhuis

Written by AfriForum Jeug

On 14/04/2014

AfriForum Jeug Tukkies het die Jakaranda Kinderhuis in East Lynne, Pretoria besoek om die sowat 250 kinders met die Paasfeesgees te vul. Dié jeugtak het 25 bokse paaseiers, klere en speelgoed by die kinderhuis uitgedeel.

Die Jakaranda Kinderhuis ontvang nie meer finansiële steun van groot privaat maatskappye of die regering nie, omdat 70% van die huis se inwoners wit is. Dit het ʼn direkte invloed op die kinderhuis se maandelikse bedryfskoste. Elke huis het sowat 13 kinders wat wissel tussen 18 maande en 18 jaar.

“Volgens die kinderhuis se webwerf kos dit sowat R218 per dag om na elke kind se behoeftes om te sien. Ons wou ʼn verskil in die kinders se lewe maak, al was dit net vir een dag. Ons wou nie net ʼn donasie aflaai nie, so, ons het die hele dag lekker met die kinders gespeel. Die studente van AfriForum Jeug Tukkies het ʼn paaseier-soektog vir die kinders gehou, en dit was groot pret,” sê Rochelle Oosthuyse, voorsitter van AfriForum Jeug Tukkies.

AfriForum Jeug moedig ander studente aan om betrokke te raak by gemeenskapsprojekte, veral by kinderhuise. “Al wat party huismoeders vra, is iemand wat die kinders kan help met huiswerk. Dit is dalk net ʼn bietjie tyd wat jy gee, maar die invloed wat jy op kinders se lewens het, is van onskatbare waarde.”

image 7 image image 2 image 6

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!