Maak universiteite oop, vat moeilikheidmakers vas

Written by AfriForum Jeug

On 22/09/2016

AfriForum Jeug het vandag ’n petisie – Universiteitsbesture, laat ons studente in vrede studeer! – van stapel gestuur nadat talle universiteite hul kampusse weens gewelddadige betogings oor studiefooie gesluit het.

Dié jeugorganisasie is ook sterk gekant teen die uitsprake van Gwede Mantashe, ANC-sekretarisgeneraal, dat hy al die universiteitskampusse vir ses maande sou sluit as hy die minister van hoër onderwys was.

“AfriForum Jeug is van mening dat geweld en ontwrigting op kampusse sal ophou wanneer moeilikheidmakers vasgetrek en vervolg word. Die organisasie verwelkom die skorsing van ’n EFF-studenteleier by die Universiteit van Pretoria (UP) en hoop dat daar in die vervolg ook teen ander studente opgetree sal word wat hulself aan openbare geweld skuldig maak,” sê Morné Mostert, AfriForum Jeug se nasionale woordvoerder.

“Daar moet ’n voorbeeld gemaak word van elke persoon wat iemand intimideer, aanrand, beseer of eiendom beskadig. Polisie, kampusbestuur- en sekuriteit laat toe dat onskuldige studente slagoffers word omdat hulle versuim om teen moeilikheidmakers op te tree,” sê Ian Cameron, AfriForum se hoof van gemeenskapsveiligheid.

AfriForum Jeug doen ʼn beroep op studente om ook die petisie Laat ons studeer/Let us study te ondersteun.

“Dié petisie het ten doel om die regte van betalende studente wat werklik wil studeer, te beskerm en bevorder. Daar is geen rede dat alle studente gestraf moet word as gevolg van ’n radikale minderheidsgroep se optredes nie. Studente se reg om te studeer moet gerespekteer word,” sê Mostert.

Volg die skakel om AfriForum Jeug se petisie te ondersteun:

Universiteitsbesture, laat ons studente in vrede studeer: http://afriforumjeug.co.za/universiteitsbesture-laat-ons-studente-vrede-studeer/

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!