AfriForum Jeug eis dissiplinêre optrede teen personeel en SR-voorsitter van die US

Written by AfriForum Jeug

On 19/02/2016

AfriForum Jeug neem kennis van prof. Wim de Villiers, rektor en visekanselier van die Universiteit van Stellenbosch (US), se voorneme om ʼn onafhanklike kommissaris aan te stel om die US se hantering van gebeure by die Heemstede-dameskoshuis se “blackface”-voorval te ondersoek.

Volgens Bernard Pieters, AfriForum Jeug se Maties-kampuskoördineerder, ontstaan die vraag waarom die rektor só ’n aankondiging sou maak slegs enkele dae nadat hy in ’n vorige verklaring te kenne gegee het dat hy tevrede is dat die korrekte prosedures ingevolge die konsepbeleid gevolg is.

AfriForum Jeug het aan sy regsverteenwoordigers opdrag gegee om ’n afskrif van die ondersoekdossier van die twee studente se vervolging te bekom, asook om ’n afskrif van die kommissaris se mandaat aan te vra. Die persone teen wie die klagtes ingedien word, sluit in mnr. Mathew Smorenburg (personeellid), mnr. Lesley van Rooi (personeellid), mnr. Pieter Kloppers, prof. Arnold Schoonwinkel (viserektor) en mnr. Axolile Diamond Qina (US-studenteraadsvoorsitter).

Intussen het AfriForum Jeug vandag dissiplinêre klagtes by die toepaslike US-owerhede gelê teen onder andere mnr. Smorenburg en ander individue vir die rol wat hulle in die onregmatige tydelike skorsing van die twee studente en die traumatiese gevolge daarvan gespeel het. AfriForum Jeug sal daarbenewens getuienis en bewyse van sy eie ondersoek aan die aangestelde kommissaris beskikbaar stel om tydens sy ondersoek te oorweeg.

Jy sal ook dalk hiervan hou…

AfriForum Jeug plant bome vir ’n groener toekoms

AfriForum Jeug se Bloemfontein- en Kovsies-tak het op 31 Augustus 2019 bome in die Gardeniapark geplant. AfriForum fokus jaarliks op sowel ’n boomspesie wat algemeen voorkom as ’n skaars boomspesie. Die algemene boom vir 2019 is die maroela (Sclerocarya birrea),...

AfriForum Jeug vier Afrikaans se 94ste ‘verjaarsdag’

Afrikaans het op Woensdag 8 Mei 2019 sy 94ste bestaansjaar as erkende landstaal gevier. AfriForum Jeug se kampustakke het hierdie mylpaal op Donderdag 9 Mei 2019 saam met die studente gevier. Hierdie viering het plaasgevind op die kampusse van Kaapse...

Rassekwotas sluit o. 12-atleet uit span – AfriForum Jeug staan by

AfriForum Jeug staan tans ’n o. 12-atleet uit die Oos-Kaap by nadat dié skolier nie in die Oostelike Provinsie Atletiekspan vir die komende naweek se nasionale byeenkoms in Germiston ingesluit is nie. Die betrokke atleet het tweede in sy item geëindig, maar is op die...

Teken in op ons nuusbrief

Sluit aan by ons poslys om die nuutste nuus en opdaterings van ons span te ontvang.

Jy het suksesvol ingeteken!

Subscribe To Our Newsletter

Join our mailing list to receive the latest news and updates from our team.

You have Successfully Subscribed!